እዚ ታሪኻዊ ቤተ መዘክር ኣብ ግምቢ ቫሌኽ( château de Valère) ይርከብ። ልዕሊ 500 ዕድመ ዘለዎም ታሪኽ ዝሓዙ ኣቅሑት ፡ ጹሑፋት፡ ኣሳእልን ምስሊ ናይ እንስሳታትን ይርከብውም።

እዚ ቤተ መዘክር ኣርት ብዛዕባ ታሪኻዊ ኣቀማምጣ ቫሌ ከምኡውን ኣብ ቤት ትምህርቲ ሳቫየዝ እዋናዊ ዝኾነ ኣርት ተዳልዩ ይርከብ። ኣብ እግሪ ጎቦ ቫሌኽን ቱኽቢዮንውን ክልተ ኣደነቕቲ ግምቢ ይርከቡ።

ኣብዚ ተፈጥሮኣዊ ቤተ መዘክር ቫሌ ብዛዕባ ደቂ ሰብ ምስ ከባቢኦም ዘለዎም ዝምድና፡ ዘርኢ ትሕዝቶ ከምኡውን ብዛዕባ እንስሳታትን ኩሎም ባህርያዊ ጸጋታትን ሓበሬታን ብሓፈሻ ብርክት ዝበለ ኣደነቅቲ ነገራትን ክንዕዘብ ንኽእል።

ናይ ቀደም ቤት ማእሰርቲ ዝነበረ ዝተፈላለዩ ግዚያዊ ዝኾነ ኤግዝብሽን የቕርብ። ቤተ መዘክር ኣርት፡ ታሪኻዊ ቤተ መዘክርን ባህርያዊ ቤተ መዘክርን ንምርኢት የቕርብ። ኣብ ታሪኽ ሃደንቲ ዝጥቀሙሉ ዝነበሩ ኣእማንውን ተዓቂቦም ይርከቡ። ሓቐኛ ዝኾኑ ጥንታውያን ኣእማን ወይ ከኣ ማዕድናት ዝርከቡሉ ጎቦ ኢዩ።

Maison de la Nature
www.maisondelanature.ch
እዚ ሜዞን ደ ላ ናቱኡኽ ኣብ እግሪ ጎቦ ብሞንቶርጅ(Montorge) ዝፍለጥ ኣብ ደንደስ ሓደ ቐላይ ይርከብ። ኣብዚ ቦታ ባህርያዊ ሃብቲ፡ ታሪኻዊ ቦታትን ከምኡውን ዓመታዊ ሓደስቲ ተፈጥሮኣዊ ኤግዝቢሽን ክንዕዘብ ንኽእል። ንኹሎም ስድራቤታት ከኣ ክፉት ኢዩ።

ብማሕበር ዩቶፕያ ዝመሓደርን ኣብ ናይ ቀደም መሕረዲ ቦታ ከተማ ስዮን ዝተዶኮነ ኢዩ። ሳልሳይ ደረጃ ዝሓዘት L'archipel ኣብ ኣፍደገ መጻኢ ኣውራጃ ሮንኩዝ ኣብ ልዕሊ 5,000m2 ዝተዘርግሐት እያ። ዕላምኡ ድማ፡ ሳላ ማሕበራዊ ምትእስሳርን ዓንኬላዊ ቁጠባን፡ ህዝቢ እቲ ከባቢ ኣብ ቅድሚ ለውጢ ክሊማን፡ ምጥፋእ ብዙሕነት ህይወትን ዝያዳ ተጻዋርነት ዘለዎ መጻኢ ክሓስብ ምግባር እዩ። እዚ መአከቢን መነቓቕሕን ዝኾነ ቦታ L'archipel ሰፊሕ ዝርዝር ዘለዎ ንጥፈታት፡ ብተወሳኺውን ንኹሎም ተዓዘብቲ ኣገዳሲ መደባትን ፍጻመታትን የቕርብ።

ፈርም ኣዚል ብዙሕ ዓውድታት ዝሓቖፈ ስነ-ጥበባዊ ማእከል ኮይኑ፡ ኣብ ምዉቕ ሃዋህው ናይቲ ንእሽቶ ኣዳራሻቱ፡ ንኹሉ ህሉው ቅድታት ጃዝ፡ ፖፕ፡ ሮክ፡ ብሉስን ዓለምለኻዊ ሙዚቃዊ መደባት ዘንጸባርቕ ኮንሰርት የቕርብ።

ልዕልዝበለ ደረጃ ዘለዎ እዋናዊ ሙዚቃ ኮይኑ ብደቂ ስዮን ዝዳሎ ኢዩ። ብወሩያት ኣርቲስት ዝዳለዉ ሙዚቃዊ ኮንሰርት ካብ ወርሒ መስከረም ክሳብ
ሰነ ንህዝቢ የቕርብ።

እዚ ኣብ ስዮን ዝርከብ ማሕበር ጃዝ፡
ጃዝ ማኑሽ፡ ስዊንግ ዲክሲላንድ ከምኡውን ናይ ኒው ኦርሊያንስ ምርኢታት ኣብቲ ምልኹዕ ዝኾነ ጀርዲን ሜዞን ደ ዲያብል የቕርብ።

ኤለክትሮዚል(Electrozîles) ነፍሲ ወከፍ ዓመት ኣብ ወርሒ ሰነ ኣብ ከባቢ ኦዚል ዝካየድ ናይ ኤለክትሮሊካዊ ዓይነት ሙዚቃ ፈስቲቫል ኢዩ።

ፕውንት 11(Point 11) ንእስ ዝበለ ሙዚቃዊ ምርኢታት ዝዳለወሉ ቦታ ኢዩ። ኣብ ማእከል ከተማ ስዮን ከኣ ይርከብ። ብሓፈሻ ንኹሎም ኣርቲስት ደቂ ቫሌ የኣንግድ። ሙዚቃዊን ባህላዊን መደባት ነፍሲ ወከፍ ዓርቢ የዳሉ።

ብምኽንያት ሕማም ኮሮና ቫይረስ COVID- 19፡እዚ መደብ ተስሪዙ ኣሎ።

እዚ ኣይርሽ ጊነስ ፈስቲቫል ሙዚቃዊ ፈስቲቫል ኮይኑ ኣብ ለ ዚል(les îles) ኣብ ወርሒ ነሕሰ ይዳሎ። ምስ ፍሉጣት ኣርቲስት ሌላ ንምግባርን ነዚ በዓል ንምጽንባልን ኮሚተ ጋንስ ኣይሪሽ ፈስቲቫል (Guinness Irish Festival) ንፈተውቲ ሙዚቃ እዚ መደብ ኣዳልዮልኩም ይርከብ።

እዚ እናዓበየ ዝኸይድ ዘሎ ፓልፕ ፈስቲቫል ኣብ ብዙሕ ጽፍሕታት ይነጥፍ። ኣብ ዝተፈላለዩ ከባቢታት ቫሌ’ውን ይካየድ። ኣብ ስዮንን ስየርን ኣርቲስቲካዊ፡ ሙዚቃዊ ብተወሳኺውን ናይ መግቢ መደባትውን ሒዙ ይቐርብ። ኣብዚ ፈስቲቫል Schlösser & Carnötzet ብነጻ ክንሳተፍ ንኽእል።። መግቢ ግን ካብ ክፍሊት ነጻ ኣይኮነን። melanie@palpfestival.ch በዚ ኣድራሻ ቦታ ሓዚእና ኣብዚ መደብ ክንሳተፍ ንኽእል።

ኣብ ማእከል ቪየይ ቪል ከተማ ስዮን ትርከብ ኮይና ዝተፈላለየ ባህላውያን ንጥፈታት ተዳሉ። ነፍሲ ወከፍ ዓመት ኣርባዕተ ዓበይቲ ምርኢታት ከምኡውን ብዛዕባ ርእሰ ከተማ ካንቶን ቫሌ ዝበለጸ ኣፍልጦ ንክህልወና በዚ ኣጋጣሚ ሓበሬታ የመሓላልፍ።

ሚዞን ድ ዲያብል ናይ ማሕበር ፈሊኒ( Fellini) ምስ ሲነማ ዝተኣሳሰሩ ኤግዝቢሽን የቕርብ። ሃብታም ዝኾነ ናይ ባህሊ ምልውዋጥ ንክህሉ ከኣ ዝተፈለለየ መደባት የዳሉ።

ፈርም ኣዚል ኣብ እዋናዊ ስነ-ጥበብ ዝነጥፍ ብዙሕ ዓውድታት ዘለዎ ስነ-ጥበባዊ ማእከል እዩ። ዓበይቲ ኤግዝቢሽን ዝዳለወሉ ቦታታት ብፍላይ ንምርኢታትን ዝተዳለዉ ስርሓትን ኣብቲ ዓቢ ኣዳራሹ የዳሉ። ከምኡ’ውን ሓፈሻዊ ንህዝብን ንስድራቤታትን ኣገዳሲ መደብ ባህላዊ ሽምግልና የቕርብ።

ጋለሪ ግርንድ ፎንቴን ብክእለት ዘለዎም መንእሰያት ደቂ ዓድን ወጻእተኛታትን ቪዥዋል ኣርት፡ ካብ 9 ክሳብ 10 ዝኾኑ ምርኢታት ብውልቂ ወይውን ብሓባር ንምርኢት ኣብ ዓመት የቅርብ።

እዚ ጋለሪ ግዚያዊ ዝኾኑ ኣብ ወረቐት ዝተዳለዉ ኣርቲስቲካዊ ስርሓት ዝቐርበሉ ቦታ ኢዩ። ብተወሳኺውን ብዕንጸይቲ ዝሰርሑን ቀረጽቲ ንድፊ ዝኾኑ ሰባትን ነዚ ቦታ ከም መንበሪ ይጥቀሙሉ።
ዝተፈላለዩ ቅርጻ ቅርጺ፡ ምህዞታት ተዋሃሂዶም ሓድሽ ዝኾነ ቅዲ ዘለዎም ስርሓት ንምርኢት የቕርቡ።

ትያትሮ ኮሚኮ ኣብ ኩሉ ፕሮግራማቱ ንኹሎም ደቂ ቫሌ ቀዳምነት ሂቡ ንምሉእ ዓመት ይሰርሕ።

እዚ ትያትር ኣሊዘ (le Théâtre Alizé) ናይ ስራሕ ቦታ ኮይኑ ናይ ካምፓኒ ሽም ዘለዎም እዩ። ኣብ ግዜ ባህላውያን ምርኢታት፡ መዘናግዒ መደባትን ትያትርን ክንዕዘብን ንኽእል። ብተወሳኺ ሙዚቃውን ክንሰምዕ ንኽእል።

ብምኽንያት ሕማም ኮሮና ቫይረስ COVID- 19፡እዚ መደብ ተስሪዙ ኣሎ።

እዚ FAR ፋር ተባሂሉ ዝፍለጥ ኣብ ጎደናታት ስዮን ዝቐርብ ፡ ካብ 1999 ኣትሒዙ ብነጻ ዝዳሎ ኮይኑ ተመላኺዑን ፍልይ ዝበለ ሃዋህው ሒዙን ኣብ ቪየይ ቪል ስዮን ንህዝቢ ይቐርብ። እዚ ፈስቲቫል ኣብ ወርሒ ሰነ 2022 ይቐርብ።

ለ ስፖት ቢራ ዝጽሞቀሉ ቦታ ኮይኑ፡ ዕላማኡ ኣብ ኣርቲስትን ተዓዘብትን ዝምድና ምምስራት ኮይኑ ብተወሳኺውን ኣርቲስት ናይዚ ከባቢን ካብ ካልእ ዝመጹን ምስ ተዓዘብቲ ዝራኸቡሉ ቦታ ኢዩ። ብውህደት ትያትር ደ ቫለኽን ፐቲት ትያትኽን ስዮን ዝቖመ ኮይኑ፡ ዝተፈላለየ ዓይነት ሙዚቃን ብሓደስቲ ቅድታት ዝተሰርሑን ኣብ ትያትር፡ ሳዕሲዒትን፡ ሰርከስን ከም መደብ ዝኣተዉ ኢዩም።

ብምኽንያት ሕማም ኮሮና ቫይረስ COVID- 19፡እዚ መደብ ተስሪዙ ኣሎ።

እዚ ፈስቲቫል ሓደ ካብቶም ኣገደስቲ ናይ ክላሲካዊ ሙዚቃ ኣጋጣሚታት ኣብ ቫሊን ኣብ ምሉእ ስዊዝን ኢዩ። ዕላምኡ ከኣ ነቲ ባህላዊ ሙዚቃን ንምዕባይ ብፍላይ ድማ ንሙዚቃ መሳርሒ ቫዮሊን ኢዩ። እዚ መሳርሒ ሙዚቃ ኣብ ስዮን ክንጥቀመሉ ካብ ንጅምር ልዕሊ ፍርቂ ዘመን ኮይኑ ኣሎ። ፈስቲቫል ስዮን ካብ 16 ነሓሰ ክሳብ 3 መስከረም 2017 ይካየድ።

ብምኽንያት ሕማም ኮሮና ቫይረስ COVID- 19፡እዚ መደብ ተስሪዙ ኣሎ።

ኣብዚ ዓለምለኻዊ ዝኾነ ፈስቲቫል ደ ለ ኦርግ፡ ጥንታዊ ዝኾነ ሙዚቃዊ ምርኢትን ከመይ ኢሎም ከም ዝጻወትዎን ከም ዝነበሩን ክንዕዘብ ንኽእል። እዚ ሙዚቃዊ ምርኢታት ኣብ ግዜ ክረምቲ ኣብ ሰዓት 4፡00 ድሕሪ ቀትሪ ንህዝቢ ይቐርብ።

ኣብ ከተማ ስዮን ዝርከብ ኣካዳምያዊ ቤት ትምህርቲ ቲቦር ቫርጋ ካብ ኣስታት 250 ሃገራት ዝመጹ ተማሃሮ የኣንግድ። ኣብ ግዜ ክረምቲ ተማሃሮ ናይ ሙዚቃ ፕሮግራም ከዳልው ተኽእሎታት ኣሎ። 40 ዝኾኑ ዝተፈላለዩ ሙዚቃዊ ምርኢታት « Heures Musicales » ካብ ሓምለ ክሳብ ነሓሰ ተዳልዮም ይርከቡ።

ሓደስቲ ብሉጻት ዝኾኑ ስነ ጥበበኛታት ቫዮሊን ንምርካብ ዝግበር ዓለምለኻዊ ተፈላጥነት ዘለዎ ውድድር ኢዪ። ካብ ምሉእ ዓለም 12 ሕጹያት ካብ 14 ክሳብ 17 ዝዕድሚኦም ዝኾኑ ተመሪጾም ኣብ ልዕል ዝበለ ደረጃ ዘለዎ ውድድር ይሳትፉ። እዚ ውድድር ኣብ ነፍሲ ወከፍ 2 ዓመት፡ ካብ መወዳእታ ወርሒ ነሓሰ ክሳብ መጀመርታ ወርሒ መስከረም ኣብ ስዮን ይካየድ።

Festival d’Art Sacré
www.maitrise-cathedrale.ch
እዚ ፈስቲቫል ደ ኣርት ሳክረ(Festival d’art Sacré) ኣብ ግዜ ልደት ዝካየድ ኮይኑ ብምትሕብባር ፎንዳስዮን ሳክረ ከኽን ካተድራል ስዮንን ይካየድ። ኣብዚ ፈስቲቫል እዋናዊያን ዝኾኑ ሙዚቃታ ቀዳምነት ሂቡ ከምኡውን ኣብ ቫሌ ኣብ ብሉጻት ዝኾሉ ስልጠናታት ክንሳተፍ ንኽእል።

Festival Flatus
www.flatus.ch
እዚ ፈስቲቫል ስሕት ኢሉ ዝዳሎ ኮይኑ ምስ ዘይንፈልጦም ማለት ናይ ጥንቲ ዝኾኑ ሙዚቃዊ ምርኢታት ሌላ ንኽንፈጥርን፡ትያትርን ኤግዚብሽንውን ኣብ ጎደናታት ክንዕዘብ ንኽእል።

Riches Heures de Valère
www.lerichheuresdevalere.ch
ዕላምኡ ንጥንታዊ ዝኾነ ሙዚቃ ባሮክ ንምድህሳስ ኢዩ። ዝተፈላለዩ ምርኢታት ኣብ ቫዚሊክ ደ ቫሌኽን(Basilique de Valère) ቪየይ ቪል( Vieille ville de Sion) ኣብ ስዮን ይዳለው።

እዚ ማሕበር ሹበርተየድ ስዮን ኣብ ጥንታዊ ቦታታት ናይ ስዮንካ 11 ክሳብ 12 ዝኾኑ ሙዚቃዊ ምርኢታት የዳሉ። እዞም ምርኢታት ከኣ ነፍሲ ወከፍ ዓርቢ ሰዓት 07፡00 ምሸት ኣብ ፎንዳስዮን ደ ዋልፍ ይካየዱ።

እዚ ዓለምለኻዊ ዝኾነ ውድድር ንትሕቲ 26 ዝዕድሚኦም ብሉጻት ተጻወቲ ቫዮሊን ዝተዳለወ ኢዩ። 28 ሕጹያት ካብ መላእ ዓለም ተመሪጾም ደረጅኡ ልዕል ዝበለ ውድድር የካይዱ። እዚ ውድድር ኣብ ነፍሲ ወከፍ 2 ዓመት፡ ካብ መወዳእታ ወርሒ ነሓሰ ክሳብ መጀመርታ ወርሒ መስከረም ኣብ ስዮን ይካየድ።

ንመበቆል ባህሊ ስዮን ንምልላይ ተባሂሉ ብወጻእተኛታት ዝተመርጻ ሰለስተ ፊልም ንህዝቢ ብነጻ ተቕርብ። ሌላ ንምዕባይ ድማ ናይ ሻሂ ፕሮግራም በቲ ፊልም ዘቕረበት ሃገር ይዳሉ።

እዚ ክለብ ናይ ሲነማ ኮይኑ ኣብ ግዜ ሓጋይ( hivernal) ይካየድ። ካብ ሕዳር ክሳብ ሚያዝያ ኣብ ሲነማታት ሲዮን ብስእልታት ኣቢልና ሩሕቕ ንኽንጓዓዝ ይገብረና። እዚ መደብ ሓደ ሰሉስ ሰዓት 06፡30 ምሸት ይቐርብ።

« Regards croisés » ክለብ ናይ ሲነማ ኮይኑ ካብ ጥቅምቲ ካሳብ ሚያዝያ ሓንቲ ግዜ ኣብ ወርሒ ዶኩምንታሪ ፊልም የቕርብ። ምስታ ፊልሚ ኣፍልጦ ዘለዎ ሰብ ዓዲሙ ከኣ ምይይጥ የካይድ። እዋናዊያን ዝኾኑ ትሕዝቶታት ኣንዳ ኣቕረበ ይመያየጠሎምን ኣዕሚቅና ንክንሓስቦሎም ይዕድመናን።

La Lanterne Magique, le club cinéma des 6-12 ans, propose chaque mois un nouveau film à découvrir sur grand écran, en s'amusant ! Grâce à un accompagnement pédagogique unique en son genre, les enfants apprivoisent les grandes émotions du cinéma et partagent des moments privilégiés avec des camarades de leur âge, tout en aiguisant leur sens critique.

La Petite Lanterne, petite sœur de la Lanterne Magique est une invitation à découvrir le cinéma avec ses parents ou grands-parents pour les enfants de 4 à 6 ans. La Petite Lanterne c'est trois séances par saison. Une programmation de films adaptés aux plus petits qui permet d'apprivoiser en famille la magie du cinéma en toute confiance.

ቤተ መጻሕፍቲ ስዮን ንዓበይትን ንህጻናትን ዝኾኑ ምቹእ ቦታ ኣለዎ። ነጻ ካርድ ምስ ዝህልወና (pass bienvenue) ቀዳም 13 ሰነ ክሳብ 09 ጥቅምቲ 2021 ሰዓት 10፡00 ኣብዚ ክልተ ግዜ ኣብ ዓመት ኣብ ዝግበር ዑደት ናይዚ ቤተ መጻሕፍቲ ክንሳተፍ ንኽእል።በዚ ኣድራሻ mv-sion-mediation@admin.vs.ch ወይውን ብቁጽሪ ተለፎን 027 606 45 50 ደዊልኩም ተመዝገቡ።

ስዮን ብዙሓት ባህልታት ዝሓቆፈት ከተማ ኢያ። እዚ ማሕበር ነዚ ሃብታም ባህሊ ንምድህሳስ ኣብ ነሓሰ 2022 ዝተፈላለዮ መደባት ኣዳልዩ ይርከብ። ሙዚቃዊ ምርኢታት፡ ሳዕሳዒት፡ ባህላዊያን ምርኢታት፡ ኮንፈረንስ፡ ዛንታታት፡ ብተወሳኺውን ንህጻናት ተባሂሉ ዝዳሎ መደባትን ሒዙ ይቐርብ። በዚ ማሕበር (d’ici et d’ailleurs) ናይ ዝተፈላለዩ ሃገራት መግቢውን ይዳሎ።